Novas...

Presentación da primeira tradución ao galego do resumo do Informe de Desenvolvemento Humano do PNUD.


O acto de presentación da primeira tradución ao galego do resumo do Informe de Desenvolvemento Humano do PNUD terá lugar o vindeiro día 11 de abril ás 12.00 horas no local da Fundación Caixa Galicia da Coruña (Cantón Grande 21-24).

Nesta presentación participarán:
- Pedro Manuel Moreno (Membro da Oficina do Informe de Desenvolvemento Humano do PNUD en Nova Iorque).
- Manuel Aguilar (Director de Obra Social Caixa Galicia).
- Fabiola Sotelo (Directora Xeral de Cooperación Exterior da Xunta de Galicia).
- Xosé María Torres (Presidente da Coordinadora Galega de ONGD).

O Informe sobre Desenvolvemento Humano que realiza o Programa das Nacións Unidas para o Desenvolvemento (PNUD) desde o ano 1990 é un informe de referencia no ámbito internacional que permite medir os logros do progreso humano básico da poboación dun país ou territorio.

Le Monde diplomatique e Greenpeace publican o Atlas medioambiental 2008.

O texto recorre a través de máis de 100 páxinas o estado actual do medioambiente no mundo e en España.
Greenpeace e Le Monde diplomatique en español presentan o Atlas ambiental 2008, no que se analizan os grandes desafíos actuais da ecoloxía no mundo. O Atlas articúlase en dous grandes eixes: “As ameazas do planeta” e “O que pode salvalo”, ademais dun anexo, realizado por Greenpeace España, no que se analiza a situación do medio ambiente no noso país.