BANCOS DE TEMPO - 1ª reunión en Lugo

O vindeiro mércores 3 de outubro ás 20:00 h teremos unha reunión na Cova da Terra para falarmos dos Bancos de Tempo.



Pero, ¿que son os Bancos de Tempo?

Un Banco de Tempo é un lugar de encontro para o intercambio de tarefas e cuxa moeda simbólica é a hora.

Os bancos do tempo son un movemento local para dinamizar unha zona pequena.

No 99% dos casos, a Rede de Bancos do Tempo ten soporte dos concellos de cada poboación, aínda que existen iniciativas de outras administracións como a Xunta de Galicia, que en marzo de este ano regulounos por lei, por primeira vez en esa comunidade, e propuxo unha ferramenta informática para a súa xestión.

Ademais, hai outras iniciativas de grupos alternativos, de ecoloxistas e outras entidades con financiamento en algúns casos de programas europeos como Equal, e incluso de particulares.

A asociación Rede de Bancos do Tempo, que facilita documentación e software para a súa creación, ten contabilizados uns 60 funcionando en España (coma o de Barcelona ou, en Galicia, o de Vigo), cunha media duns 200 usuarios en cada un, polo que o número de persoas implicadas nestas iniciativas sería dunhas 12.000 en todo o país.


¿Cal é a finalidade dos Bancos de Tempo?

Promover intercambios coa finalidade de fomentar valores de cooperación e comunicación, activando a rede de solidariedade da propia comunidade.
Conseguir actitudes positivas entre as persoas, aprendendo a dar e recibir.
Posibilitar a creación dun marco de intercambio no seo da comunidade.

Podes comezar a participar pinchando aquí.