Kandaharia, agora tamén en internet

O Centro de Recursos Kandaharia, xestionado por A Cova da Terra e Axunica, e adicado principalmente á cooperación, desenvolvemento e outras temáticas sociais, ven de inaugurar a súa páxina web.

Con esta iniciativa queremos achegar os recursos que ofrece Kandaharia máis aló das murallas lucenses, a todos os colectivos e persoas interesadas nas temáticas que aborda o centro, que conta con fondos bibliográficos e audiovisuais, materiais educativos e recursos tecnolóxicos.

Desde esta páxina poden consultarse os fondos do centro de documentación, estar ao tanto dos novos fondos que van chegando e das actividades organizadas desde o centro, solicitar préstamos online e outras facilidades.

A páxina está en constante evolución, pois continuamente chegan novos fondos e actualízase o listado dos existentes.

Podedes enlazar a web de Kandaharia desde a páxina da Cova da Terra ou acceder directamente pinchando aquí.

Convidámosvos a que a visitedes, ¡e agardamos que sexa do voso interese!