A las cinco de la tarde!!!

O pasado xoves, puidemos desfrutar dunha nova proxección-debate das Cinemas Kandaharia, A las cinco de la tarde (a pesar de que algúns medios se empeñaron en poñer que era Monseñor Romero, a proxección anterior). Graciñas as persoas que fixeron que o coloquio posterior fose tan interesante.

Cinemas Kandaharia: A las cinco de la tarde!!!

O xoves 12 de febreiro, ás 20:00 horas no local A Cova da Terra (Rúa Nóreas, nº 12 baixo) proxección-debate “A las cinco de la tarde”. Esta vez contaremos con Axuda en Acción, que serán os encargados de levar adiante o posterior coloquio. Agardamos que sexa do voso interese e o difundades entre a vosa xente. Vide cos vosos amigos e amigas e desfrutade do ciclo de proxeccións-debate das Cinemas kandaharia!!!

Dirección: Samira Makhmalbaf

Intérpretes: Agheleh Rezaie, Abdolgani Yousefrazi, Razi Mohebi

Ano: 2003

Sinopse:

Tras a caída do réxime talibán en Afganistán, reabríronse as escolas para as mulleres. Nogreh é unha rapaza que pretende dedicarse á política e incluso chegar a ser algún día presidenta da República. Pero o burka e as tradicións do réxime machista seguen profundamente arraigadas na vida social do país.

Fotos da masa crítica de Xaneiro

Se queredes ver as últimas fotos da masa crítica en Lugo, de xaneiro, podedes facelo dende aquí. Que as disfrutedes!!!

Cinemas na Cova

O xoves 5 de febreiro, ás 20:30 horas, na Cova da Terra (Rúa Nóreas nº12 Baixo) unha nova proxección de Cinema da Cova. Esta vez o título elexido é Vibrator. Agardamos a túa visita!!!

Ryuichi Hiroki, despois dunha longa carreira como director -conta con más de 40 títulos no seu haber, entre eles "L'amant", "Female" ou "It's only talk" - comezou a ser recoñecido a raíz do éxito internacional desta cinta, que recolleu unha vintena de premios en festivais de todo o mundo. Antes adicara a súa carreira sobre todo ó pinku-eiga, un xénero de cine erótico de baixo presuposto moi popular no Xapón.