Na procura sempre de achegar o comercio xusto e os produtos ecolóxicos ao consumidor, hoxe poñemos en marcha desde A Cova da Terra a nosa tenda de comercio electrónico.
Ás 19:00 h será a presentación oficial no local da Cova da Terra. Pero xa podedes entrar na mesma a través do enlace "tenda" da web da Cova, ou directamente no enderezo http://cibertenda.covadaterra.org
Comezaremos cos produtos de comercio xusto, para pouco a pouco ir ampliando a oferta dispoñible da cibertenda.
A compra a través da cibertenda ten un 5% de desconto e poderás recibir o pedido na túa casa nun prazo máximo de 7 dias.
Agardamos que atopedes útil esta nova ferramenta para a achegar aos vosos fogares un comercio social e ambientalmente responsable.
Non obstante, para nós segue a ser fundamental o contacto directo e a confianza co consumidor. Así que, se tes oportunidade de mercar directamente na tenda, ¡estarémoste agardando!
Bo ano a tod@s!
No hay comentarios:
Publicar un comentario